+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Футболдан Еуропа чемпионаты: Швеция көш басына шықты

2021 жылғы 18 маусым 21:08
Бөлісіңіз:
Футболдан Еуропа чемпионаты: Швеция көш басына шықты

НҰР-СҰЛТАН. ҚазАқпарат - Футболдан Еуропа чемпионатының финалдық сатысының топтық кезеңі екінші турында Швеция мен Словакия кездесті, деп хабарлайды ҚазАқпарат тілшісі.

Ұқсас жаңалықтар
Футболдан Қазақстан кубогы: «Қайсар» көш басына шықты UEFA Конференция лигасы: «Астана» жарыстың үшінші сатысына шықты UEFA Конференция лигасы: «Тобыл» Хорватияның командасын жеңді

Еске салсақ, аталған екі құрама Е тобында сынға түседі. Қарсыластары – Испания және Польша.

Алғашқы турда Словакия Польшадан 2:1 есебімен басым түссе, Швеция Испаниямен 1:1 есебімен тең түсті.

Екі құрама бұған дейін алты мәрте кездесті. Оның үшеуінде швециялықтар жеңіске жетсе, үш кездесуде тең есеп тіркелді.

Бүгінгі кездесуде екі құраманың да жеңіске жету мүмкіндігі зор болды. Десе де көп уақытқа дейін есеп өзгеріссіз тұрды.

Ойынның 77-минутында Словакия қақпасына белгіленген пенальтиді Эмиль Форсберг мүлтіксіз орындады. Бұдан кейін қауіпті бірнеше сәт туындады. Соған қарамастан оны ешкім голға айналдыра алған жоқ.

Кездесуде Швеция құрамасы қарсыласынан 1:0 есебімен басым түсті. Екі ойыннан кейін төрт ұпай жинаған олар турнир кестесінде көш басына шықты.

Бұл топтағы екінші турдың тағы бір ойыны Испания мен Польша арасында 19 маусымда болады.

Айта кетейік, енді аталған топтағы үшінші тур ойындары 23 маусымда өткізіледі. Бұл күні Испания мен Словакия, Швеция мен Польша құрамалары шеберлік байқасады.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT