+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Футболдан Еуропа чемпионаты: Ресей Финляндиядан басым түсті

2021 жылғы 16 маусым 21:10
Бөлісіңіз:
Футболдан Еуропа чемпионаты: Ресей Финляндиядан басым түсті

НҰР-СҰЛТАН. ҚазАқпарат - Футболдан Еуропа чемпионатының финалдық сатысындағы топтық кезеңі екінші турында Ресей мен Финляндия құрамалары кездесті, деп хабарлайды ҚазАқпарат тілшісі.

Ұқсас жаңалықтар
UEFA Конференция лигасы: «Тобыл» Хорватияның командасын жеңді UEFA Конференция лигасы: «Шахтер» жарысты жалғастырады UEFA Конференция лигасы: Бүгінгі ойындарды қайдан көруге болады

Еске салсақ, аталған екі команда В тобында сынға түседі. Қарсыластары – Бельгия және Дания.

Алғашқы турда Ресей Бельгияға 0:3 есебімен жол берсе, Финляндия Даниядан 1:0 есебімен басым түсті.

Екі команда бұған дейін бес мәрте кездескен. Оның төртеуінде ресейліктер жеңіске жетсе, біреуінде финляндиялық футболшылардың мерейі үстем болды.

Айта кетерлігі, Финляндия бүгінгі қарсыласын 109 жыл бұрын Стокгольм Олимпиадасында 2:1 есебімен жеңген болатын.

Бүгінгі кездесуде қос құраманың жеңіске жету мүмкіндігі бар еді. Екеуінің де тарапынан гол соғатын бірнеше сәт кездесті.

Бірінші кезеңнің 45-минутында ресейлік Алексей Миранчук қарсыластар қақпашысын қапы қалдырып кетті.

Екінші кезеңде екеуінде де есепті өзгертетін бірнеше мүмкіндік болған еді. Дегенмен таблодағы есеп өзгеріссіз қалды.

Кездесуде Ресей қарсыласынан 1:0 есебімен басым түсіп, турнир кестесіндегі жағдайын жақсартты.

Сондай-ақ, аталған топтағы Дания мен Бельгия кездесуі 17 маусымда елорда уақытымен 21:50-де өткізіледі.

Айта кетейік, аталған топтағы үшінші тур ойындары 21 маусымда өткізіледі. Бұл күні Финляндия мен Бельгия, Ресей мен Дания құрамалары шеберлік байқасады.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Дана Телятникова Каз
Дана Телятникова Каз
954-059
REDAKTOR
Айдар Оспаналиев
Айдар Оспаналиев
954-059

MURAǴAT