+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Футболдан Еуропа чемпионаты: Чехия Шотландиядан басым түсті

2021 жылғы 14 маусым 20:56
Бөлісіңіз:
Футболдан Еуропа чемпионаты: Чехия Шотландиядан басым түсті

НҰР-СҰЛТАН. ҚазАқпарат - Бүгін футболдан Еуропа чемпионатының финалдық сатысындағы топтық кезеңде Шотландия мен Чехия құрамалары кездесті, деп хабарлайды ҚазАқпарат тілшісі.

Аталған екі команда D тобында сынға түседі. Қарсыластары -Англия және Хорватия құрамалары.

Бұл топта кеше, 13 маусымда Англия Хорватияны 1:0 есебімен жеңген болатын.

Екі құрама бұған дейін тоғыз мәрте шеберлік байқасқан.

Оның төртеуінде шотландтықтар, төртеуінде чехиялықтар жеңіске жетсе, біреуінде тең нәтиже тіркелді.

Айта кетерлігі, соңғы төрт кездесуде чехиялықтар аталған қарсыласын жеңе алмай жүрген еді. Сол кеткен есені бүгін қайтаруға тырысты.

Кездесу барысында чехиялық футболшы Патрик Шик 42, 52-минуттарда мергендік танытып, өз құрамасын алға шығарды. Ол алғашқы голын алаңның орта тұсынан соқты.

Бұл соққыға шотландиялық қақпашы Дэвид Маршалл қарсы тұра алған жоқ.

Сондай-ақ, бүгін тағы екі кездесу Е тобында өткізіледі. Алдымен Польша мен Словакия жасыл алаңға шықса, одан кейін Испания мен Швеция шеберлік байқасады.

Биылғы біріншілікте барлығы 24 құрама сынға түседі. Әрбір топтан үздік екі команда мен көрсеткіші жоғары төрт құрама жарысты жалғастыруға мүмкіндік алады.

Футболдан Еуропа чемпионаты 11 маусымда басталды, ол 11 шілдеде мәресіне жетеді.


Біздің каналымызға жазылыңыз:

Бөлісіңіз:

Автор:

Әділжан Үмбет

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT