Футболдан бірінші лигада «Қыран» елорда клубынан жеңіліп қалды

None
None
НҰР-СҰЛТАН. ҚазАқпарат - Футболдан бірінші лига командалары арасындағы Қазақстан біріншілігінің он бесінші тур ойындары өткізілді, деп хабарлайды ҚазАқпарат тілшісі.


Бұл турда үздік үштікте келе жатқан Шымкенттің «Қыраны» сырт алаңда елорданың «Жеңісіне» 0:1 есебімен жол берді.

Осылайша шымкенттік клуб ойламаған жерден үш ұпай жоғалтып алды. Турнир кестесінде екінші орынды сақтап қалғанымен Премьер-лигаға шығу жағдайын біршама қиындатты.

Сондай-ақ аталған турда Түркістанның «Яссы» командасы Қарағандының «Шахтер-Болатын» 4:1, Шымкенттің «Академия Оңтүстік» клубы елорданың «Астана жастарын» 5:3 есебімен жеңді.

Ал Қызылордада «Байқоңыр» Жамбыл облысының «Тараз-Қаратау» командасымен 1:1 есебімен тең түссе, Павлодар облысының «Екібастұзы» Алматының «Қайрат жастарына» 0:3 есебімен жол берді.

Аталған турдағы «Игілік» (Жамбыл облысы) пен «Қайсар» (Қызылорда), «Жетісу» (Талдықорған) мен «Оқжетпес» (Көкшетау) ойындары 4 қазанға белгіленген.

Еске салсақ, 6 тамызда Қазақстан кубогында екінші ойын күні өтті.



Соңғы жаңалықтар