+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Футбол: Түркістандық «Арыс» клубы премьер-лигаға қосылды

2021 жылғы 13 қаңтар 12:05
Бөлісіңіз:
Футбол: Түркістандық «Арыс» клубы премьер-лигаға қосылды

НҰР-СҰЛТАН. ҚазАқпарат – Түркістан облысының «Арыс» клубы премьер-лигаға қосылды, деп хабарлайды ҚазАқпарат тілшісі.

Ұқсас жаңалықтар
Футбол: «Ақтөбе» футбол клубына жаңа бас бапкер тағайындалды Футзалдан чемпиондар лигасы: «Қайрат» Румыния чемпионына қарсылас атанды Футбол: «Ақжайық» Анталияда оқу-жаттығу жиынын бастады

Клубтың баспасөз қызметі мәлім еткеніндей, өткен маусымда бірінші лигада өнер көрсеткен «Арыс» өз тобында «Ақтөбеден» кейін екінші орын алған болатын.

Биыл Қазақстан футбол федерациясы атқару комитетінің шешімімен премьер-лига қатары 14 командаға дейін кеңейтілген болатын. Сондықтан Оралдың «Ақжайығымен» бірге «Арыс» та премьер-лигада ойнауға мүмкіндік алды.

«Костуин» әуесқой клубы 2002 жылы құрылып, бір жылдан кейін кәсіпқойлар қатарына қосылды. 2004 жылы «Арыс» болып аталып, алайда маусым соңында команда тарап кетті.

2018 жылы «Арыс» қайта жанданып, 2019 жылы екінші лигада өнер көрсетті. Осы маусымның қорытындысы бойынша бірінші лигаға жолдама алды.

Осылайша «Арыс» клубы өз тарихында алғаш рет премьер-лигада ойнамақшы.

Команданың бас бапкері – қазақстандық маман Әбдіхалық Бөрібаев. Жаттықтырушылар құрамына сондай-ақ Фархатбек Ирисметов, Юрий Новиков, Кулдош Ешжанов кіреді.

Еске сала кетейік, бұдан бұрын «Ақжайықтың» премьер-лигаға қайтып оралғанын жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT