Футбол төрешілеріне бейнеқайталауды пайдалануға рұқсат етілді

АСТАНА. ҚазАқпарат - ФИФА футбол ережелерінің жаңа редакциясын қабылдады, ол бойынша төрешілерге даулы сәттерде шешімдер қабылдау үшін бейнеқайталауды пайдалануға болады, деп хабарлады сенбі күні Associated Press агенттігі.

Жаңа ережелер бойынша бірінші матчтар келесі жылы өткізіледі. Бұл сәтке дейін қайталау тек сынақ ойындарында пайданылатын болады.

Қайталауды пайдалану рұқсаты ФИФА-ның жаңа басшысы Джанни Инфантино енгізген алғашқы  күрделі өзгеріс болды.