+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Футбол командалары шығындарының бірыңғай нормативін белгілеу орынсыз - Асқар Мамин

2019 жылғы 15 наурыз 11:32
Бөлісіңіз:
Футбол командалары шығындарының бірыңғай нормативін белгілеу орынсыз - Асқар Мамин

АСТАНА. ҚазАқпарат - Қазақстанда футбол командалары шығындарының бірыңғай нормативтерін белгілеу орынсыз. Бұл жайында Мәжіліс депутаттарының ресми сауалына жауап берген ҚР Премьер-Министрі Асқар Мамин атап өтті, деп хабарлайды ҚазАқпарат тілшісі.

«Қазіргі уақытта ұлттық футбол командалары жергілікті бюджет пен демеушілік қаражат есебінен қаржыландырылады. Бұл ретте өңірлердің ерекшелігін, олардың экономикалық жай-күйін ескере отырып, жергілікті атқарушы органдар, салалардың даму басымдықтары негізінде өздерінің футбол клубын қаржыландыру үшін жергілікті бюджеттен бөлінетін қаражат мөлшерін өздері белгілейді», - делінген Үкімет басшысының жауабында.

Сонымен қатар ол демеушілік қаражатты тарту өңірде ірі өнеркәсіптік нысандардың, қалада жүйе құраушы кәсіпорындардың болуына, бизнес орта мен инвестициялық әлеуетінің дамуына байланысты екендігіне назар аудартады. Мысалы, «Қайрат» (Алматы), «Атырау» (Атырау), «Шахтер» (Қарағанды) футбол клубтары жергілікті бюджеттен бөлінген қаражаттан басқа, сондай-ақ ірі кәсіпорындар мен компаниялардың демеушілік қаражаты есебінен қаржыландырылады.

«Осыған байланысты экономикалық дамудағы өңірлік теңгерімсіздікті ескере отырып, қазіргі уақытта футбол командалары шығындарының бірыңғай нормативтерін белгілеу орынсыз. Бұл ретте футбол командаларын қаржыландыру бойынша тәсілдерді одан әрі жетілдіру мақсатында Мәдениет және спорт министрлігі жергілікті атқарушы органдармен бірлесіп футбол саласындағы сарапшылардың қатысуымен, оның ішінде оң халықаралық тәжірибені ескере отырып, осы мәселені зерттейтін болады», - деді Асқар Мамин.

Айта кетейік, осы жылдың 23 қаңтарында Мәжілістің бір топ депутаты сол кездегі Премьер-Министр Бақытжан Сағынтаевтың атына депутаттық сауал жолдап, футбол командалары шығындарының бірыңғай нормативтерін белгілеу қажеттігін атап көрсеткен еді.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT