+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Футбол: «Қайсар» құрамына жаңадан ойыншылар қосылды

2021 жылғы 27 ақпан 22:12
Бөлісіңіз:
Футбол: «Қайсар» құрамына жаңадан ойыншылар қосылды

ҚЫЗЫЛОРДА. ҚазАқпарат - Қызылордалық «Қайсар» бірқатар футболшылармен келісім-шартқа қол қойды, деп хабарлайды ҚазАқпарат тілшісі.

Алдағы маусымда Армения құрамасының шабуылшысы Гегам Кадимян қызылордалық клуб намысын қорғайды. 1992 жылдың 19 қазанда дүниеге келген ол бұдан бұрын Украина, Армения және Беларусь елдерінде доп тепкен.

Черногориялық 29 жастағы шабуылшы Стефан Денкович те биыл «Қайсардың» құрамында болады. Ол бұған дейін Израиль, Сербия, Венгрия, Беларусь, Польша елдерінің командаларында ойнаған.

Ресейлік 27 жастағы қорғаушы Егор Потапов биылғы жылы қызылордалық команда сапына қосылды. Футболшылық мансабында Чехия, Ресей, Литва, Эстония, Қырғызстан елдерінде шеберлігін арттырған.

Былтыр Ресейдің СКА (Хабаровск) клубында ойнаған қазақстандық Арман Кеңесов те «Қайсардың» құрамын толықтырды. Сондай-ақ, ол бұған дейін Павлодардың «Ертісінде» доп тепті.

Сондай-ақ, ұзақ жылдан бері қызылордалық ұжым құрамында ойнап жүрген Думан Нәрізлдаевпен келісім-шарт тағы да ұзартылды.

Айта кетейік, биыл «Қайсар» клубына жаңа бас бапкер тағайындалды.



Біздің каналымызға жазылыңыз:

Бөлісіңіз:

Автор:

Әділжан Үмбет

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT