Футбол: Иван Антипов пен Эльдар Абдрахманов «Ақжайыққа» қайтып оралды

ОРАЛ. ҚазАқпарат – Орал футболының түлектері Иван Антипов пен Эльдар Абдрахманов бірінші лигада өнер көрсететін «Ақжайыққа» қайтып оралды, деп хабарлайды ҚазАқпарат тілшісі.

Ұқсас жаңалықтар

Қазақстандық Олимпиада чемпионы допинг үшін спорттан шеттетілді

Алматыда бокстан жастар арасындағы Қазақстан чемпионаты басталды Тараздағы орталық стадионға Балуан Шолақтың есімі берілуі мүмкін Теннисші Александр Бублик рейтингіде 45-орынға көтерілді

«Ақжайық» футбол клубының бас директоры Азамат Шайхының айтуынша, екеуімен де келісімшарт жасалды.

Орал қаласында футбол әліппесін үйреніп, болашағынан үлкен үміт күттіріп, Қазақстан жастар құрамасында да ойнаған жартылай қорғаушы Иван Антипов өткен жылғы маусымды премьер-лигада Талдықорғанның «Жетісу» клубында бастап, «Атырауда» аяқтаған болатын. Ал оң қапталдағы қорғаушы Эльдар Абдрахмановтың кезінде «Ақжайықтан» «Атырауға» ауысқаны белгілі.

«Біз негізінен жергілікті футболшыларға сенім артып отырмыз. Бас бапкер Артур Авакянц өз орнында қалады. Қаражатқа байланысты командада легионерлер болмайды. Мақсат – өз күшімізбен премьер-лигаға қайтып оралу», деді ҚазАқпарат тілшісіне А.Шайхы.

Тағы бір өзгешелік, клуб оқу-жаттығу жиынын Түркияда емес, Шымкентте «БИИК» клубының базасында өткізеді. Оған команда 26 қаңтар күні аттанады.