+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Футбол: Чемпиондар лигасы қайта жалғасады

2020 жылғы 7 тамыз 15:02
Бөлісіңіз:
Футбол: Чемпиондар лигасы қайта жалғасады

НҰР-СҰЛТАН. ҚазАқпарат - Бүгін UEFA Чемпиондар лигасы қайта жалғасады, деп хабарлайды ҚазАқпарат тілшісі.

Ұқсас жаңалықтар
Ришат Хайбуллин Чехия чемпионатында үздік үштікке енді Теннис: Рыбакина мен Зарина Дияс Франциядағы Страсбург турнирінде ойнайды Қазақстандық Артем Резников танымал шешен спортшысын жеңді

Естеріңізге сала кетелік, доп додасы 11 наурыздан кейін коронавирус індетіне байланысты кейінге шегерілді. Турнирдің 1/8 финалындағы төрт ойын болып, қалған төртеуі өткізілмей қалған болатын.

Бүгін «Манчестер Сити» (Англия) және «Реал Мадрид» (Испания) клубтары кездеседі. Алғашқы ойында ағылшындық клуб 2:1 есебімен жеңіске жетті. Сондықтан испандық команда жеңіске жету жолында барын салатыны анық. Ойын «Qazaqstan» телеарнасынан елорда уақытымен 00.50-де тікелей эфирде көрсетіледі.

Тағы бір кездесу «Ювентус» (Италия) пен «Лион» (Франция) командалары арасында болады. Бұл жұптағы алғашқы ойында француз футболшылары 1:0 есебімен басым түскен еді. Жалғыз гол әзірге жарысты жалғастыратын жеңімпазды толықтай анықтай қойған жоқ. Жанкүйерлер тартысты ойын күтеді. Кездесу «Qazsport» телеарнасынан елорда уақытымен 00.50-де тікелей эфирде басталады.

Турнирдің аталған сатысындағы тағы екі ойын 8 тамызда өткізіледі. Ертең «Барселона» (Испания) мен «Наполи» (Италия), «Бавария» (Германия) мен «Челси» (Англия) командалары кездеседі.

Қазір ширек финалға шыққан төрт команда белгілі. Олардың қатарында «Лейпциг» (Германия), «Атлетико Мадрид» (Испания), «Аталанта» (Италия) және «Пари Сен-Жермен» командалары бар.

Чемпиондар лигасының қалған бөлігі Португалия астанасы - Лиссабон қаласында өтеді. Ол сегіздік финалы форматында болады. Ойындар 10-23 тамыз аралығында өткізіледі.

Естеріңізге сала кетелік, 5-6 тамызда Еуропа лигасы 1/8 финалының ойындары өтті. Ширек финалға шыққан 8 команда анықталды.


Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT