Қолданушы баптаулары
Қолданушы баптаулары
+7 (701) 759 90 19 Лента
USD 378.01 EUR 420.88
RUB 5.84 CNY 54.64
Jańalyqtar

Футбол: «Ақжайықтың» бас бапкері қызметінен кетті

2019 жылғы 19 сәуір 15:53 698
Бөлісіңіз:
Футбол: «Ақжайықтың» бас бапкері қызметінен кетті

ОРАЛ. ҚазАқпарат - «Ақжайықтың» бас бапкері, украиналық маман Сергей Зайцев қызметінен кетті, деп хабарлайды ҚазАқпарат тілшісі.

«Ақжайық» футбол клубының баспасөз қызметінен түскен мәліметке қарағанда, бас бапкер міндетін уақытша оралдық маман Артур Авакянц атқаратын болады.

С.Зайцев оралдық клубқа өткен жылғы шілдеде келген еді. Алайда ол жаттықтырған «Ақжайық» өткен маусым қорытындысында премьер-лигада ең соңғы орынға ие болып, бірінші лигаға түсіп қалды.

Бас бапкерлік міндеті биыл да С.Зайцевке жүктелгенімен, ол сенімді ақтай алмады. Ең алдымен оралдық команда Қазақстан кубогы жолындағы матчтарда сүрініп, іріктеу кезеңінен өте алмады.

Премьер-лигаға қайта оралуды мақсат еткен «Ақжайықтың» биылғы біріншіліктегі бастапқы екі ойыны да көңіл көншітерліктей емес. Алдымен елордада «Астана М» командасымен 1:1 есебімен тең ойнады. Содан кейін Талдықорғанда «Жетісу Б» командасына 2:3 есебімен есе жіберді.

Бірінші лиганың үшінші турында оралдықтар 21 сәуір күні Ақсай қаласында «Қарашығанақ» спорт кешені алаңында «Ақтөбе-Жас» командасын қабылдайды.

Еске сала кетейік, өткен жылы «Ақжайыққа» жаңа бапкер келгенін жазған болатынбыз. 

 

 

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT