Франсуа Олланд Фидель Кастромен кездесті

АСТАНА. ҚазАқпарат - Франция президенті Франсуа Олланд Кубада 88 жастағы Фидель Кастромен кездесті, деп хабарлады «ВВС» агенттігі.

Сапар барысында Олланд АҚШ билігін Куба экономикасына үлкен зиян келтіретін эмбаргоны алып тастауға шақырды. Жергілікті БАҚ Францияның Total мұнай-газ компаниясы мен кубалық «CubaPetroleo» мемлекеттік мұнай компаниясымен теңіз қайраңдарында мұнай кен орындарын барлау туралы келісім орнатқанын хабарлады.