+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Францияда мектеп автобусы мен жүк көлігі соқтығысты: алты бала опат болды

2016 жылғы 11 ақпан 17:23
Бөлісіңіз:
Францияда мектеп автобусы мен жүк көлігі соқтығысты: алты бала опат болды

БРЮССЕЛЬ. ҚазАқпарат - Бүгін таңертең Францияда мектеп автобусы мен жүк көлігінің қатысуымен жол-көлік апаты болды. Апат салдарынан алты бала қаза тауып, шамамен үш адам, соның ішінде автобус жүргізушісі жарақаттар алды.

Автобустың Францияның батысында Приморьелік Шаранта департаментінің Иль-Олерон және Сюржер қалаларының арасында жүріп тұрғаны атап өтіледі.

Куәгерлердің айтуынша, шақпақтас тасымалдап келе жатқан жүк көлігінің қозғалысы кезінде тіркемесі ажырап, автобусқа соғылды.

Автобустың ішінде 17 адам болған. Оқиға орнында апаттық-құтқару қызметтері мен полиция жұмыс істеуде.

Франция президенті Франсуа Олланд қаза тапқандардың отбасыларына көңіл айтып, өз халқының тілектестігіне сендірді.

Еске сала кетейік, бұл Францияда екі күннің ішінде балаларды тасымалдаған көліктің қатысуымен адам өлімімен аяқталған екінші оқиға. Сәрсенбі күні ел шығысында балалар автобусының жүргізушісі қар басқан жолда көлікті басқара алмай, жолдан шығып кетіп, аударылды. Оқиға салдарынан екі оқушы қаза тауып, жетеуі жарақаттанды.

Біздің каналымызға жазылыңыз:

#Әлем  
Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT