+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Forte Challenger турниріндегі қазақстандық теннисшілердің қарсыластары анықталды

2021 жылғы 28 ақпан 02:35
Бөлісіңіз:
Forte Challenger турниріндегі қазақстандық теннисшілердің қарсыластары анықталды

НҰР-СҰЛТАН. ҚазАқпарат – Елордада өтетін Forte Challenger 125 турнирінде қазақстандық теннисшілердің қарсыластары анықталды, деп хабарлайды ҚазАқпарат тілшісі.

Ұқсас жаңалықтар
Теннис: Недовесов пен Голубев Хорватиядағы турнирдің финалына шықты Теннис: Ролан Гаррос турнирі бір аптаға кейін шегерілді Теннис: Путинцева Чарльстон турнирінің үшінші айналымына шықты

Қазақстан теннис федерациясы мәлім еткеніндей, жарыстың 3-ракеткасы болып тіркелген Михаил Кукушкин алғашқы айналымда португалиялық Фредерико Ферейра Сильвамен ойнайды.

Доданың бірінші ракеткасы, оңтүстіккореялық Сун-Ву Квон словениялық Блаж Роламен кездеседі. Финляндияның үздігі Эмиль Руусувуори тәжірибелі сербиялық Виктор Троицкимен шеберлік байқасады.

Турнирге арнайы шақырту алған қазақстандықтардың қарсыластары да белгілі болды. Денис Евсеев жапониялық Татсума Итоның шамасын байқап көреді. Қос қазақстандық Тимофей Скатов пен Дмитрий Попконың қай жеңгені келесі кезеңге өтеді. Александр Недовесов іріктеу сайысы жеңімпаздарының бірімен кортқа шығады.

Жұптық сында А.Недовесов В.Троицкимен бірге франциялықтар Уго Гренье – Александр Мюллер, Д.Евсеев –өзбекстандық Денис Истоминмен жарыстың 1-ракеткалары болып тіркелген америкалықтар Джексон Уизроу – Натаниэл Лэммонспен кездеседі. Сондай-ақ Т.Скатов – фин Отто Виртанен және ресейліктер Евгений Донской – Богдан Бобров, Д.Попко – грузиялық Александр Метревели және жапониялық Т.Ито – ұлыбританиялық Райан Пенистон, тағы бір қазақстандық Григорий Ломакин – украиналық Владислав Манафов және үндістандық Баладжи Нсриама – словениялық Б.Рола жұптары өзара сынға түседі.

Бұл – елордада қатарынан өтіп жатқан екінші жарыс. Forte Challenger 100 турнирі жексенбі күні мәреге жетеді. Мұнда жекелей сында финалда америкалық Маккензи Макдональд пен аустралиялық Юрий Родионов бас жүлдені сарапқа салады. М.Макдональд бірінші кездесуінде қазақстандық М.Кукушкинді сүріндірген болатын.

Еске сала кетейік, бұдан бұрын Александр Недовесовтің жұптық сында Нұр-Сұлтан жарысының жеңімпазы атанғанын, Александр Бубликтің Сингапур турнирінің финалына шыққанын жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT