Формула-1: Хэмилтон алты дүркін әлем чемпионы атанды
2019 жылғы 4 қараша 09:05

Формула-1: Хэмилтон алты дүркін әлем чемпионы атанды

НҰР-СҰЛТАН. ҚазАқпарат – «Мерседес» командасының британиялық пилоты Хэмилтон мерзімінен бұрын алты дүркін Формула-1 чемпионы атанды, деп хабарлайды ҚазАқпарат euronews.com-ға сілтеме жасап.

34 жастағы британиялық АҚШ Гран-приінде екінші орын алған болатын, сол жарыста Хэмилтонның финляндиялық командаласы Валттери Боттас мәреге бірінші келген. Дегенмен жалпы есепте Хэмилтон Боттасты басып озды.

Британиялық пилот чемпиондық титулдарының саны бойынша Хуан Мануэль Фанхионы артқа тастады. Ол әзірге тек жеті дүркін әлем чемпионы Михаэль Шумахерден кейінгі орында тұр.

Хэмилтон бұған дейін 2008, 2014, 2015, 2017, 2018 жылдары әлем чемпионы атанған.

Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT