+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Флорида штатында кешкі асқа бес қолтырауын аулаған ер адам қамауға алынды

2015 жылғы 5 ақпан 09:10
Бөлісіңіз:
Флорида штатында кешкі асқа бес қолтырауын аулаған ер адам қамауға алынды

АСТАНА. ҚазАқпарат - Америкадағы Флорида штатының шығысында орналасқан Дэбори қаласында полицейлер қолтырауынның етінен кешкі ас дайындамақ болған ер адамды ұстады.

БАҚ-тың хабарлауынша, жергілікті тұрғын Ричард Никси көлемі бір жарым метрге дейін жететін бұл жануарлардың бесеуін де өзі аулаған.

Оны Флоридада туристер арасында кеңінен танымал бірқатар ас түрлерінің негізгі ингредиенті болып табылатын аллигаторлардың құйрықтары қызықтырған.

Никси жеңсік асты теледидардан көптен күткен американдық футбол ойынын тамашалай отырып жеуге ұйғарған. Алайда ойынның басталуына үш сағат қалғанда оның үйіне полицейлер кіріп келді.

«Флоридада қолтырауынды аулауға байланысты арнайы лицензия алмаса, аңшылық жасауға ешкімнің де құқығы жоқ», - деп мәлімдеді штаттың табиғатты қорғау комиссиясының өкілі Грег Уоркман.

Біздің каналымызға жазылыңыз:

#Әлем  
Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT