10:00, 14 Шілде 2019 | GMT +6
Филиппинде қуатты жер сілкінісі болып, адамдар зардап шекті
НҰР-СҰЛТАН. ҚазАқпарат – Филиппиннің оңтүстігіндегі Миндао аралында болған 5,8 магнитудалық жер сілкінісінің салдарынан 25 адам зардап шекті, ондаған құрылыстар қираған. Бұл туралы ҚазАқпарат Анадолы агенттігіне сілтеме жасап хабарлайды.
АҚШ-тың геологиялық қызметінің мәліметтері бойынша, жерасты дүмпуі жергілікті уақыт бойынша сағат 4:45-те Кантилан муниципалитетінен оңтүстік-шығысқа қарай 5 км қашықтықта сезілген.
Филиппин билігінің хабарлауынша, жер сілкінісінің салдарынан кемінде 25 адам зардап шекті. Сондай-қ шіркеу, өрт сөндіру станциясы сияқты ғимараттар бұзылып, тұрғын үйлер қираған.
Филиппинді басқару, қауіп-қатерлер мен қайғылы жағдайларды азайту жөніндегі Ұлттық кеңестің мәлімдемесінде көптеген үйлер мен ғимараттардың қирағандығы айтылады. Сондай-ақ көптеген үйлердің қабырғалары жарылған.
Зілзала әсіресе Карраскал, Кантилан, Кармен, Мадрид, Лануза пен Кортес ауылдарына көп зардабын тигізген.
Зардап шеккендердің барлығы ауруханаларға жеткізілді.