Филиппин өз аумағында Америка әскерін көбейтуге келісті

АСТАНА. ҚазАқпарат – Құрама Штаттар мен Филиппин бейсенбі күні Филиппин аумағында Америка әскерін көбейту туралы келісімді жариялады, деп хабарлайды ҚазАқпарат тілшісі CNBC-ке сілтеме жасап.

АҚШ Қорғаныс министрі Ллойд Остин мемлекет басшылығымен қосымша қару мен америка әскерін орналастыру туралы келіссөз жүргізу үшін сейсенбі күні Филиппинге келді.
Тараптардың ортақ мәлімдемесінде Қорғаныс саласындағы кеңейтілген серіктестік туралы келісімді толық жүзеге асыру жеделдетілгені хабарланды. Оның мақсаты – ортақ дайындық, оқу мен өзара әрекеттестік.
Әскер санын арттыру аясында, АҚШ елдің стратегиялық аудандарындағы бұрыннан бар бес әскери база мен төрт жаңа объектінің инфрақұрылымын жақсартуға 82 млн доллар бөледі.
EDCA қорғаныс келісіміне сәйкес 2014 жылы америка күштеріне Филиппиннің бес әскери базасына белгісіз мерзімге дейін кіруге рұқсат берілді.

2022 жылдың қазанында АҚШ, әсіресе құрлықтық мемлекеттің солтүстігіне көбірек әскер мен қаруды орналастыруға рұқсат сұрады.

Фото: Rolex Delapena | Pool | Getty Images