FIFA QJ League Cup жарысында Ерназар Дүйсеков топ жарды

АСТАНА. ҚазАқпарат - FIFA QJ League Cup жарысы өз мәресіне жетті. Екі күнге созылған жасөспірімдер лигасының 12 командасынан іріктелген жас футболшылар виртуалды алаңда өзара жеңімпазды анықтады, деп хабарлайды ҚазАқпарат.

Екінші ойын күні ширек финалдық кездесулермен басталды. Ақсулық Ерназар Дүйсеков «Ордабасы» өкілі Хансұлтан Айтуға қарсы ойнады. Алғашқы кездесуде Айту сенімді жеңіске жетті, бірақ Дүйсеков қалған екі кездесуде қарсыласын ұтты.

Екінші текетірес те сол есеппен аяқталды, бірақ басқа сценариймен өтті: алдымен «Тараз» ойыншысы Бейбарыс Әбділхай «Ақтөбе» командасының қарсыласы Дамир Нуредиловты 3:0 есебімен жеңді, содан кейін одан дәл сол нәтижемен жеңіліс тапты. Шешуші ойында 2:0 есебімен жамбылдықтар жеңіске жетті.

Бір күн бұрын іріктеу топтарын ұтқан астаналық Алдияр Алтаев пен жасқырандық Эмин Мұсаев жартылай финалдағы қарсыластарын күтті.

Алдияр Бейбарысқа қарсы ештеңе көрсете алмады, «Астана» серияда «Тараздан» 0:2 есебімен жеңіліп қалды. Бірінші кездесуде тағы да жеңіліп, кейінгі екі матчта Дюсеков Мұсаевтан мықтырақ болып шықты, серияның нәтижесі: «Ақсу» 2-1 «Жас Қыран».

Үш жеңіске дейінгі финалдық серияда Ерназар Дүйсеков Бейбарыс Әбділхайға мүмкіндік қалдырмай, оны үш кездесуде қатарынан ұтып, үздік деп танылды.