ФИФА Қазақстанға 1,5 млн доллар көмек бермек

НҰР-СҰЛТАН. ҚазАқпарат – Халықаралық футбол федерациясы (ФИФА) коронавирус індетінен туындаған дағдарыстан шығынға ұшыраған ұлттық федерацияларға қаржылай көмек көрсету шешімін қабылдады. Бұл туралы ҚазАқпарат Sports.kz сайтына сілтеме жасап хабарлайды.

ФИФА атқарушы комитетінің бюросы 1,5 миллиард доллар көлемінде жиынтық төлемді мақұлдаған. Тағы 210 федерациясы сияқты, Қазақстан да 1 миллион доллар көлемінде ақшалай өтемақы және әйелдер футболы үшін тағы 500 мың доллар алады.

Сондай-ақ, бөлінген сома індет салдарын жоюға жетіспей қалған федерацияларға 5 миллион долларға дейін несие алу мүмкіндігі беріледі.

Айта кетсек, қазақстандық премьер-лига ойындары әлемде қалыптасқан жағдайға байланысты әзірге тоқтатылды.