+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Фейк: Мессенджерде тіркелу үшін төлқұжат мәліметтерін хабарлауға міндеттейді

2021 жылғы 26 қазан 15:19
Бөлісіңіз:
Фейк: Мессенджерде тіркелу үшін төлқұжат мәліметтерін хабарлауға міндеттейді

НҰР-СҰЛТАН. ҚазАқпарат - Telegram арналарында келесі жылдың наурыз айынан бастап азаматтар мессенджерлерді пайдалану үшін төлқұжат деректерін хабарлауға міндетті болатыны туралы жалған хабарлама тарады, деп хабарлайды ҚазАқпарат Stopfake.kz-ке сілтеме жасап.

Төлқұжат мәліметтерін ұсыну қажеттілігі туралы қауесет Ресей Федерациясы Үкіметінің биылғы 20 қазандағы қаулысын дұрыс түсінбеуден шыққан. Бұл туралы ақпаратты РФ Мемлекеттік думасы жоққа шығарды. Ақпараттық саясат, ақпараттық технологиялар және байланыс комитетінің төрағасы Александр Хинштейн «Говорит Москва» радиостансасының эфирінде елде мұндай заң қабылданбағанын мәлімдеді.

«Мессенджер иелеріне арналған ережелер 2018 жылы шықты. Қазір Үкімет жаңа қаулы шығарды, ол бойынша байланыс операторлары телефон нөмірі бойынша растауды сұратуға және осыдан кейін ғана қызмет көрсетуге міндетті», – деді ол.

Демек, азаматтарды мессенджерлерді пайдалану үшін төлқұжат деректерін ұсынуға міндеттейтін жаңа заң туралы хабарламалар шындыққа жанаспайды.



Біздің каналымызға жазылыңыз:

Бөлісіңіз:
Пікір қалдыру
+7
Жіберу
Сондай-ақ... оқыңыз
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT