Фермелер үшін дизельдің бағасы қанша болады

None
None
НҰР-СҰЛТАН. ҚазАқпарат – ҚР Энергетика министрі Болат Ақшолақов фермелер үшін көктемгі дизельдің бағасы қанша болатынын атады, деп хабарлайды ҚазАқпарат тілшісі.

«Бүгінгі күні Энергетика министрлігі Ауыл шаруашылығы министрлігімен бірлесіп «Облыстарды мұнай өңдеу зауыттарына көктемгі егіс жұмыстары үшін дизель отынын жеткізу бойынша бекіту графигін» бекітеді. Оның шеңберінде ауыл шаруашылығы тауарын өндірушілер үшін қажеттілік 400,26 мың тонна көлемінде бекітілді», - деді Энергетика министрі.

Айтуынша, бұл бекітілген график Ауыл шаруашылығы министрлігі атынан облыс әкімдіктерінің ауыл шаруашылығы басқармаларына және Энергетика министрлігінің атынан ресурс ұстаушыларға жіберілген. Сондай-ақ, ол биыл фермерлерге қажет дизельдің құны қандай болатынын айтты.

«Мемлекет басшысының тапсырмасына сәйкес Министрлік ауыл шаруашылығы тауарын өндірушілер үшін дизель отынын жеткізуге қатысатын негізгі ресурс ұстаушылармен кеңестер өткізді, олардың қорытындысы бойынша 2022 жылғы көктемгі егіс жұмыстарын жүргізу үшін дизель отынына ұсынылатын баға тоннасына 212 мың теңгені құрайды. Басқаша айтатқанда, бұл бір литріне 176 теңге деген сөз.

Жеткізу мен сақтауды ескере отырып, ауыл шаруашылығы тауарын өндірушілер үшін болжамды баға шекті бекітілген бөлшек сауда бағаларынан төмен. Бұл бұл орташа алғанда 15%дан 30%-ға дейін арзан.

Айта кету керек, Энергетика министрлігінде ауыл шаруашылығы тауарын өндірушілері үшін дизель отынына арзандатылған бағаларды заңнамалық бекіту құзыреті жоқ.

Ауыл шаруашылығының мұқтаждықтары үшін дизель отынының құны жанар-жағармай материалдары нарығына қатысушылармен келісім жолымен айқындалады және мұнай өнімдерін ресурс ұстаушылардың өздері ерікті түрде белгілейді.

Министрлік көктемгі егіс жұмыстарын тұрақты жүргізу үшін жан-жақты шаралар қабылдауда», - деді Болат Ақшолақов.


Соңғы жаңалықтар