12:23, 20 Тамыз 2018 | GMT +6
Фармация комитетінің экс-басшысы Лариса Пакты қамауға алу мерзімі ұзартылды
АСТАНА. ҚазАқпарат - ҚР Денсаулық сақтау министрлігі Фармация комитетінің бұрынғы төрайымы Лариса Пакты үйқамақта ұстау мерзімі ұзартылды, деп хабарлайды ҚазАқпарат тілшісі.
«Мамандандырылған ауданарлық тергеу соты күдікті Лариса Пакты үйқамақта ұстау мерзімін 3 қыркүйекке дейін ұзартты», - деп хабарлайды қалалық соттың баспасөз қызметі.
Еске салайық. қылмыстық іске қатысы бар Лариса Пак және өзге де азаматтарға тиісті өндірістік және дистрибьюторлық тәжірибе сертификаттарын заңсыз бергені үшін 10-нан 12 мың долларға дейін пара алған деп күдік тағылды.
Өткен жылдың 30 қараша айында Л. Пакқа қатысты қамауға алу туралы бұлтартпау шарасы үй қамақта ұстау түріне ауыстырылған еді.