10:21, 12 Мамыр 2015 | GMT +6
Еуропалық одақ Жерорта теңізінде заңсыз адам тасымалдайтындарға күш қолданбақ
АСТАНА. ҚазАқпарат - Еуроодақтың сыртқысаяси ведомствосының басшысы БҰҰ-нан Жерорта теңізі арқылы көші-қон проблемасын күш қолдану арқылы шешуге қолдау танытуды сұрады, деп хабарлады «ВВС» агенттігі.
БҰҰ-ның Қауіпсіздік кеңесінде сөз сөйлеген Федерика Могерини ЕО Жерорта теңізінде заңсыз мигранттарды тасымалдаушыларды ұстап, жоятын арнайы іс-қимыл жоспары әзірленгенін мәлімдеді.
Жоспар бойынша, адамдарды Еуропаға заңсыз жеткізумен айналысатын контрабандашылар желісін жою көзделіп отыр.
Бұл ретте Федерика Могерини жобада заңсыз мигранттарды күштеп қайтару әрекеттері жасалмайтыны қарастырылғанын атап өтті.