+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Еуропада коронавирустан 12 жасар қыз қайтыс болды

2020 жылғы 31 наурыз 18:46
Бөлісіңіз:
Еуропада коронавирустан 12 жасар қыз қайтыс болды

БРЮССЕЛЬ. ҚазАқпарат – Бельгияда соңғы тәулікте коронавирустан 98 адам көз жұмған, соның ішінде 12 жасар қыз бар, деп хабарлайды ҚазАқпараттың меншікті тілшісі.

COVID-19 күрес жөніндегі үкімет өкілі Эммануэль Андрэ 12 жасар қыздың коронавирус инфекциясынан қайтыс болғаны туралы RTBF телерадиокомпаниясы тікелей эфирден көрсететін күн сайынғы баспасөз мәслихатында айтты.

«Бұл эмоционалдық тұрғыда өте қиын жағдай, себебі ол балаларға да, медицина мен ғылыми қоғамға да кері әсер етіп отыр», - деді Андрэ.

Бұл - осы жас санатындағы Бельгиядағы алғашқы өлім. Бұған дейін Лимбургта қайтыс болған 30 жастағы медбике елдегі ең жас құрбан саналып келді.

Бельгиялық қыз Еуропадағы коронавирустың ең жас құрбаны болып отыр. Бұған дейін Францияда 16 жасар қыз бен 14 жасар португалиялық жасөспірім коронавирустан қайтыс болған еді.

«Бүгінде ауруханада, интенсивті терапия бөлімдерінде қауіпті топқа жататын адамдардан да жас науқастар жатыр», - деп атап өтті Эммануэль Андрэ.

Соңғы мәлімет бойынша, Бельгияда коронавирустан 705 адам қайтыс болған. Елде барлығы 12 775 адам осы індетке шалдыққан. 1696 адам жазылып шықты.


Автор: Тимур Дүйсекеев


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT