+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Еуропада Қазақстандағы шытырман оқиғалы туризм туралы фильм көрсетіледі

2019 жылғы 27 шілде 20:20
Бөлісіңіз:
Еуропада Қазақстандағы шытырман оқиғалы туризм туралы фильм көрсетіледі

НҰР-СҰЛТАН. ҚазАқпарат – Қазақстанның шытырман оқиғалы туризмінің (adventure tourism) мүмкіндіктері туралы роликтің түсірілімі және осыған байланысты мототур аяқталды. Бұл туралы «Kazakh Tourism» компаниясы мәлім етті, деп хабарлайды ҚазАқпарат тілшісі.

Ұқсас жаңалықтар
Түркістандық жастар туризм саласында жұмыс істеуге мүмкіндік алды Алакөлде құны 20 млрд теңгені құрайтын алты жоба іске асады – әкім Түлкібасқа бір жылда 17 мыңнан аса турист келген - аудан әкімі

Жобаға Exponential Kazakhstan компаниясы мұрындық болып отыр. Компания Kazakh Tourism және ҚР Ұлттық музейінің қолдауымен осы жобаға эндуродан (мотокросс) әлем чемпионы, испаниялық Джозеп Гарсияны тартты.

«Кеше түсірілім тобының Қазақстанға жасаған 20 күндік саяхаты аяқталды. Алтынемел, Шарын, Көлсай көлдері, Іле Алатауы сияқты табиғат парктерін, Ақмола және Алматы облыстарының, Алматы қаласының көрікті жерлерін, Нұр-Сұлтандағы Ұлттық музейді, Бәйтерек, болашақтың «Нұр Әлем» музейін, Ханшатырды түсірдік. Сарыарқа өңірінде эстафетаны танымал мототриалшы, 2018 жылғы әлем чемпионы Джерони Фахардо @JeroniFajardo қабылдап алды. Алматы облысы мен Алматыдағы түсірілімді мотокросстан биылғы әлем чемпионы @josepgarcia26 жүргізді», - делінген компанияның Facebok-тегі парақшасында.

Еуропадан келген қонақтар Бурабайға барып, сұлу Көкше өлкесінде табиғат аясында тамаша кадрлар түсірді.

Елордаға оралған соң Ұлттық музейдің 5 жылдығына орай Джерони Фахардо мотоцикл мінуден шеберлік сабағын өткізді. Одан әрі бір топ мотобайкерлермен қала қыдырып кетті. Танымал мототриалшы Ханшатырдың алдында сауда орталығына келгендерді өнерімен тәнті етті. Күн соңында түсірілім тобы «Нұр-Әлем» павильонына барып, соның алдында мотоциклмен асыр салды.

Жоба басшысы Флориан Бехрендтің айтуынша, фильм биыл қысқа қарай Еуропаның басты спорт телеарналарында көрсетіледі.

Осы жоба Қазақстанның туристік әлеуетін Еуропа елдеріне таныту мақсатын көздейді.

Айта кетейік, жобаны мемлекет қаражатынсыз Германия компаниясы іске асырып отыр.

Біздің каналымызға жазылыңыз:

Басты сөздер: Туризм,
Бөлісіңіз:

Автор:

Нұрлан Тұяқов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT