Еуропа мен Азиядағы ең жас боксшы Дастан Сәдуұлы ресейлікті нокаутқа түсірді

АСТАНА. ҚазАқпарат - Қазақстан боксының болашақ жарық жұлдызы, Еуропа мен Азиядағы ең жас боксшы Дастан Сәдуұлы Ақтөбедегі бокс кешінде жеңіске жетті, деп хабарлайды ҚазАқпарат Вконтакте әлеуметтік желісіндегі «Қазақстанның кәсіби бокс» парақшасына сілтеме жасап.

Спортшы ресейлік Дмитрий Рахмановпен жекпе-жекке шықты. Дастан айқастың басында-ақ рингтің ортасында тұрып, қарсыласын ауыр соққылармен есеңгіретті. Айқас қорытындысы жанкүйерлер күткендей болды. 16 жастағы қазақстандық боксшы бірінші раундта нокаутпен жеңді.