+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Еуропа лигасы: «Ордабасы» жарыстың келесі сатысына шықты

2019 жылғы 19 шілде 00:57
Бөлісіңіз:
Еуропа лигасы: «Ордабасы» жарыстың келесі сатысына шықты

НҰР-СҰЛТАН. ҚазАқпарат - Шымкенттің «Ордабасы» командасы UEFA Еуропа лигасы екінші іріктеу кезеңіне шықты. Бүгін олар сырт алаңда Грузияның «Торпедо» (Кутаиси) командасын жеңіп кетті, деп хабарлайды ҚазАқпарат тілшісі.

Ұқсас жаңалықтар
Қазақстанда футбол, жағажай футболы мен футзалдың үздіктері анықталады Еуропа лигасы: «Астана» қарсыласынан 5:0-мен жеңіліп қалды Еуропа лигасы: «Астана» «АЗ Алкмардан» есе қайтара ма

«Ордабасы» командасы бүгінгі кездесуде негізінен қорғанысқа көбірек көңіл бөлді. Бір апта бұрын Шымкентте өткен ойында олар 1:0 есебімен жеңген еді. Сондықтан шымкенттік клуб тең нәтижеге қанағат білдіретінін аңғартты.

Алаң иелері шабуылына бірінші кезеңде лайықты тойтарыс бере білді. Есесіне қарымта шабуылдарға көңіл бөлді. Десе де бірінші кезеңде екі команда да бір-бірінің қақпасынан саңылау таба алған жоқ.

Екінші кезеңде де ойын барысы дәл осындай жағдайда өрбіп жатты. Ойын тізгіні негізінен алаң иелерінің қолында болды. Кездесу соңына таман «Ордабасы» екі гол соқты. Оны 81-минутта Мирзад Механович, 94-минутта Зиги Бадибанга соқты. Осылайша «Ордабасы» қарсыласын 2:0 есебімен жеңді.

Енді олар жарыстың келесі сатысында Чехияның «Млада-Болеслав» командасымен кездеседі.

Естеріңізге сала кетелік, кеше UEFA Чемпиондар лигасы бірінші іріктеу кезеңінде елордалық «Астана» Румынияның ЧФР командасына жол берді. Енді «Астана» UEFA Еуропа лигасы екінші іріктеу кезеңінде Андорраның «Санта-Колома» командасымен шеберлік байқасады.

Ал бүгін Қостанайдың «Тобылы» Люксембургтің «Женесс Эш» клубына тең ойнап, қос ойынның нәтижесімен жарыс жолынан шығып қалды.

Сондай-ақ, бүгін Алматының «Қайраты» Боснияның «Широки Бриег» командасынан басым түсті. Алматылық клуб UEFA Еуропа лигасы бірінші кезеңінен сүрінбей өтті. Енді Израильдің «Хапоэль» (Безр-Шева) және Албанияның «Лачи» жұбының жеңімпазымен кездеседі.


Фото: fcordabasy.kz

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT