Еуропа чемпионаты: Италия өз алаңында Англиядан жеңілді

None
ФОТО: FRANCESCO PECORARO/GETTY IMAGES
АСТАНА. ҚазАқпарат – Футболдан 2024 жылғы Еуропа чемпионатының іріктеу сатысы бірінші турының алғашқы ойын күні аяқталды, деп хабарлайды ҚазАқпарат тілшісі.

23 наурыздан 24-іне қараған түні Еуропа чемпионатының іріктеу сатысының алғашқы ойын күні өтті.

Бұл күнгі басты кездесуде С тобында Италия мен Англия құрамалары шеберлік байқасты. Ойын барысында құрамалар белсенді қимыл көрсетті.

Кездесуде Италия Англияға 1:2 есебімен жол берді.

Сондай-ақ J тобында Португалия өз алаңында Лихтенштейнді қабылдады. Аталған кездесуде Криштиану Роналду ұлттық құрама сапында 197 ойынын өткізді. Осылайша ол әлемдік рекордты жаңартты.

Португалиялықтар қарсыласынан 4:0 есебімен басым түсті. Кездесуде атақты футболшы екі голдың авторы атанды.

Ал Қазақстан құрамасы сынға түсетін H тобында Дания Финляндияны 3:1 есебімен тізе бүктірсе, Сан-Марино Солтүстік Ирландиядан 0:2 есебімен жеңілді.

Кеше Қазақстан құрамасы Словенияға 1:2 есебімен жол берген еді.

Енді аталған топта 26 наурызда Солтүстік Ирландия мен Финляндия, Словения мен Сан-Марино, Қазақстан мен Дания шеберлік байқасады.

1 турдың ойын нәтижелері

C тобы

Италия - Англия 1:2

Солтүстік Македония - Мальта 2:1

H тобы

Дания – Финляндия – 3:1

Сан-Марино – Солтүстік Ирландия – 0:2

J тобы

Португалия – Лихтенштейн – 4:0

Босния және Герцеговина – Исландия – 3:0

Словакия – Люксембург – 0:0

Енді 24 наурызда В, E, F, G топтарында алғашқы тур ойындары өткізіледі. Басты ойынның бірі В тобындағы Франция - Нидерланд құрамалары арасында болады.


Соңғы жаңалықтар