ЛОНДОН. ҚазАқпарат - АҚШ, Еуропа және Жапонияның ірі банктері акцияларының құны америкалық Silicon Valley банкінің банкротқа ұшырауы мен швейцариялық Credit Suisse-дің проблемалары аясында наурыз айының басынан бері орта есеппен 16%-ға (ақшалай есептегенде 459 млрд доллар) төмендеді. Жұма күні Financial Times газеті өз сайтында осындай баға беріп, бұл 2020 жылдың наурызынан бергі ең үлкен құлдырау екенін жазды, деп хабарлайды ҚазАқпарат ТАСС-қа сілтеме жасап.
Басылым реттеушілердің жағдайды тұрақтандыру әрекеттерін әзірге сәтті деп бағалауға болатындығын атап өтті. АҚШ-тың First Republic және Credit Suisse банкінің құлдырау шегіне жеткен акциялары 30 млрд және 54 млрд доллар шұғыл несие алғанына қарамастан, жұма күні құлдырауды жалғастырды.
Басылымның дереккөздері сондай-ақ, болып жатқан жағдайға байланысты америкалық Goldman Sachs бағалы қағаздар саудасында шамамен 200 миллион доллар жоғалтты деп хабарлайды. Банк бұл ақпаратқа түсініктеме бермейді.