Еуроодақ Ресейге қарсы санкциялардың мұнай эмбаргосы кірген алтыншы пакетін мақұлдады

НҰР-СҰЛТАН. ҚазАқпарат – Еуропалық Одақ Ресейге қарсы санкциялардың алтыншы пакетін келісті. Бұл туралы Одақтың жоспардан тыс саммитінде Еуропалық кеңес басшысы Шарль Мишель Twitter-де жазды, деп хабарлайды ҚазАқпарат.

«Еуропалық Одақтың мемлекет және үкімет басшылары Ресей мұнайының үштен екі бөлігін импорттауға эмбарго қою туралы келісті. Санкцияның алтыншы пакетіне ресейлік Сбербанкті халықаралық SWIFT қаржылық хабарлама жүйесінен ажырату кірді», - деді Шарль Мишель.