Еурокомиссия басшысы Болгарияда жол апатынан қаза тапқандардың отбасына көңіл айтты
2021 жылғы 23 қараша 18:54

Еурокомиссия басшысы Болгарияда жол апатынан қаза тапқандардың отбасына көңіл айтты

БРЮССЕЛЬ. ҚазАқпарат – Еурокомиссия басшысы Урсула вон дер Ляйен Болгарияда жол апатынан қаза тапқандардың отбасына және туыстарына көңіл айтты, деп хабарлайды ҚазАқпарат меншікті тілшісі.

«Болгарияда кеше түнде болған автобус апатынан қаза тапқандардың отбасы мен достарына қайғыра көңіл айтамын. Сондай-ақ, зардап шеккендердің сауығып кетуін тілеймін. Мұндай қайғылы жағдайда Еуропа сіздермен бірге», - деп жазды У.Ляйен Twitter-де.

Ресми тұлғалардың айтуынша, Болгарияның батысында автобус апатқа ұшырап, кейін өртеніп кеткен. Кем дегенде 45 адам, соның ішінде 12 бала мерт болған.

Оқиға жергілікті уақытпен сағат 02:00-де ел астанасы Софиядан оңтүстік-батысқа қарай Бознек ауылына жақын маңда тасжолда болған.

Оқиғаның мән-жайы анықталып жатыр.

Көлік құралы Солтүстік Македонияда тіркелген. Автобуспен Түркиядан келе жатқан туристерді тасымалдаған. Жеті адам автобустан шығып үлгерген, олар күйік шалып, ауруханаға жеткізілді.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT