+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Ет экспорты ішкі нарықтағы баға өсіміне әсер етіп отыр - министр

2019 жылғы 6 қараша 17:38
Бөлісіңіз:
Ет экспорты ішкі нарықтағы баға өсіміне әсер етіп отыр - министр

НҰР-СҰЛТАН. ҚазАқпарат - Қазақстан ет экспортын ұлғайтқаннан кейін ішкі нарықтағы өнім бағасы өсіп отыр. Бұл туралы бүгін Ақордада ҚР Қауіпсіздік кеңесінің жанындағы Сарапшылық кеңес отырысында Ауыл шаруашылығы министрі Сапархан Омаров айтты, деп хабарлайды ҚазАқпарат тілшісі.

Ұқсас жаңалықтар
Қазақстандық сиыр етінің алғашқы партиясы Бейжің нарығына шықты Оралда тартылған құс етін заңсыз тасымалдаған жүк көлігі ұсталды Қазақстанда ет экспорты қай көлемге жеткізіледі

Жиында ҚР Президентінің көмекшісі - Қауіпсіздік кеңесінің хатшысы Қалмұханбет Қасымов министрден азық-түлік экспорты ішкі нарықтағы бағаға қаншалықты әсер ететін ін сұраған болатын.

«Қазақстан экспортты ұлғайтуда. Бұл жақсы әрі дұрыс. Дегенмен көптеген сарапшының, оның ішінде Ұлттық банк мамандарының пікірінше, азық-түлікті сыртқа шығару ішкі нарықтағы бағаның көтерілуіне түрткі болады екен. Мәселен, ет, ұн, жарма... Сіздің ойыңызша, экспорт ішкі нарық бағасына әсер ете ме?», - деп сұрады Қ.Қасымов.

Министр азық-түлік экспорты мен ішкі нарықтағы бағаның арасында байланыс бар екенін жасырған жоқ.

«Әрине, ішкі нарыққа экспорттың әсері бар. Мәселен, қазір біз ет экспортын жақсы жолға қойдық. Бұл ретте жасыратын ештеңе жоқ. Өзбекстан біздің етімізді алып жатыр. Сол себепті елде ет бағасы көтеріліп келеді. Бірақ, екінші жағынан біз ауыл шаруашылығы өнімдерінің экспортына шектеу қоятын болсақ, мәселен ет пен ұнға, онда сыртқы нарықты жоғалтып аламыз», - деді С.Омаров.

Мәселен, оның алға тартқан дерегіне қарағанда Қазақстан астық экспортына шектеу қойған кезде сыртқы нарықтың басым бөлігінен айырылып қалған.

«Қазір ғана біз оны біртіндеп қалпына келтіріп жатырмыз. Сондықтан ең алдымен ауыл шаруашылығы өнімдері көлемін ұлғайтуымыз керек. Бұған қоса, логистика, салық салу, алыпсатарлық сынды ішкі мәселелерді шешуге тиіспіз. Айталық, өндірушілер еттің келісін 1,5 мың теңгеден сатады. Ал содан кейін ол ет 2,2 мың теңгеден саудаланады. Бұл орайда алыпсатарлар пайда тауып отыр», - деді ол.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT