Ескерту: Алматыда күн суытады

АЛМАТЫ. ҚазАқпарат - Алматыда жауған қардың арты аязға ұласады, деп хабарлайды ҚазАқпарат тілшісі.

Бүгін Алматыда 4 градусқа дейін күн суытады. Түскен қар биіктігі 15 см-ге жетті.

Ауа райын болжаушылар, алдағы 3 тәулікте Қазақстан территориясында суық циклон өтетіндігін ескертті.

«Қазақстанның басқа да өңірлерінде қар жауып, батыс, солтүстік батыс желі соғады. Орталық және шығыс өңірлерде боран, оңтүстік пен оңтүстік шығыста көктайғақ болады. Скандинав аумағынан жылжыған циклон оңтүстік-шығыс бағытта жылжитын болады. 13 қаңтарда Қазақстанның көптеген аймақтарында ауа температурасы төмендейді», - деп болжайды синоптиктер.