Қолданушы баптаулары
Қолданушы баптаулары
+7 (701) 759 90 19 Лента
USD 379.01 EUR 423.24
RUB 5.90 CNY 54.92
Jańalyqtar

Есірткі тұтынып, көлікті құжатсыз жүргізген СҚО тұрғыны ұсталды

2019 жылғы 14 қаңтар 18:33 552
Бөлісіңіз:
Есірткі тұтынып, көлікті құжатсыз жүргізген СҚО тұрғыны ұсталды

ПЕТРОПАВЛ. ҚазАқпарат - Петропавлда полицейлер есірткі тұтынып, көлік тізгіндеген азаматты, деп хабарлайды ҚазАқпарат тілшісі. 

Ұқсас жаңалықтар
Ослода жүргізушісіз электр автобусы іске қосылды Сирек кездесетін көлік нөмірі аукционда 44 мың долларға сатылды

Полиция департаменті баспасөз қызметінің мәліметінше, 38 жастағы тұрғынның есірткі қолданып, көлікті басқаруы бірінші рет емес. Ол бұған дейін де тап осындай жазаға тартылған, содан бері бір жыл да өтпеген. Бұл жолы ол 15 тәулікке қамауға алынып, көлікті 6 жылға жүргізу құқығынан айырылды.

«ЗАЗ-Шанс» көлігін есірткіге масайған күйінде жүргізген тағы бір солтүстікқазақстандық 30 тәулікке әкімшілік қамауға алынды. Медициналық тексеруден кейін оның есірткі қолданғаны белгілі болды. Мәліметтер базасы жүргізушінің есірткі қолданып, көлік басқаруы бірінші рет емес екендігін көрсетті. Оның үстіне ол да көлікті жүргізу құқығынан айырылған.

«Көлікті басқарған нашақор адам өлтіре алады. Мұндай адамдардың сапарға шығуына жол бермеу - тәртіп сақшыларының маңызды міндеттерінің бірі. Айналасындағы адамдардың өмірі мен денсаулығына қауіп төндіретін жүргізушілерге тиісті заңнамаға сәйкес қатаң шара қолданылады», - деп атап өтті жергілікті полиция қызметі бастығының орынбасары Айдын Байматов.

Былтыр солтүстікқазақстандық полицейлер есірткі тұтынған 57 жүргізушіні ұстады. Олардың барлығы көлікті жүргізу құқығынан айырылды. Көлік құралын басқару құқығынан бұған дейін айырылған екі азаматқа қатысты әкімшілік қамау жазасы қолданылды.




Олеся Жуковень

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT