Қолданушы баптаулары
Қолданушы баптаулары
+7 (701) 759 90 19 Лента
USD 367.30 EUR 419.68
RUB 5.58 CNY 52.91
Jańalyqtar

Есеп комитетін қаржыландыру Үкіметтен тыс болуы тиіс - Азат Перуашев

2018 жылғы 18 қыркүйек 18:15 531
Бөлісіңіз:
Есеп комитетін қаржыландыру Үкіметтен тыс болуы тиіс - Азат Перуашев

АСТАНА. ҚазАқпарат - Республикалық бюджеттің атқарылуын бақылау жөніндегі есеп комитетін қаржыландыру Үкіметтен тыс болуы қажет. Мұндай пікірді бүгін Есеп комитеті жанындағы консультативтік-сарапшылық кеңес аясында БАҚ өкілдеріне сұхбат берген Мәжіліс депутаты Азат Перуашев айтты, деп хабарлайды ҚазАқпарат тілшісі. 

Ұқсас жаңалықтар
Қазақстандықтар тамыз айында қанша шетелдік валюта сатып алды Биылғы жарты жылда Ұлттық қордың инвестициялық табысы 400,9 млрд теңге болды

«Консультативтік-сарапшылық кеңестің басты мақсаттарының бірі - Есеп комитетінің жұмысын жақсарту, дамыту. Қарап отырсақ, Есеп комитетінің жұмысын қаржыландыру Үкіметтің қолында екен. Ал, тәуелді орган қалай тексере алады? Бұл жерде қарама-қайшылықты байқап отырмыз. Есеп комитеті өзін қаржыландыратын органды тексерген кезде ұстанымы объективті бола алмайды. Халықаралық сарапшылардың ұсынысы - Есеп комитетін қаржыландыру Үкіметтен тыс болуы керек», - деді Мәжіліс депутаты.

Сонымен қатар, Азат Перуашев Есеп комитеті көрсеткен кемшіліктерді мемлекеттік органдардың, ұлттық компаниялар мен квазимемлекеттік сектор субъектілерінің түзеуіне қатысты келеңсіз жайттардың орын алатынын атап өтті.

«Қазіргі уақытта Есеп комитеті кемшіліктерді түзету туралы ұсыныс берсе, уақыт өте келе Үкімет оны шешілді, орындалды деп ұйғарым жасай салады. Бұл дұрыс емес. Есеп комитеті табылған заңбұзушылық, қаржының тиімсіз мақсатқа жұмсалуы сынды кемшіліктердің жойылғаны туралы ұйғарымды өзі шығаруы тиіс», - дейді ол.

Айта кетейік, кеңес отырысына қатысушылар аудиторлық іс-шараларды жүргізу процесіне сарапшылар мен аудиторлық ұйымдардың қатысуын, сонымен қатар аудиторлық іріктемені айқындау кезінде кәсіби пайымды қолдану мәселелерін жан-жақты талқыға салды.

 

 

 

Біздің каналымызға жазылыңыз:

Басты сөздер: Қаржы, Парламент,
Бөлісіңіз:

Автор:

Марлан Жиембай

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT