+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Есеп комитеті: ОҚО-да «Ақбұлақ» бағдарламасын жүзеге асыруда 18,4 млрд. теңгенің заң бұзушылықтары анықталған

2014 жылғы 28 қараша 19:41
Бөлісіңіз:
Есеп комитеті: ОҚО-да «Ақбұлақ» бағдарламасын жүзеге асыруда 18,4 млрд. теңгенің заң бұзушылықтары анықталған

АСТАНА. ҚазАқпарат - Есеп комитетінің Тексеру комиссиясымен Қазақстан Республикасы Президенті әкімшілігінің тапсырмасы бойынша бірлесіп өткізген кезекті отырысында аймақтың Оңтүстік Қазақстан облысындағы «Ақ бұлақ» бағдарламасының 2011-2020 жылдарға арналған іске асырылу барысының тиімділігін аралық бағалауының қорытындылары шығарылды.

Есеп комитетінің бағалауы бойынша, аймақта аралық кезеңде Бағдарламаның орындалуы тиімсіз іске асырылуда. Атап айтқанда, облыстағы 250-ден астам ауылдық елді мекендер сапалы ауызсумен қамтылмаған.

Түркістан қаласында сумен жабдықтау және оны тарату бойынша жұмыстарды өткізу үшін 1 млрд. теңгені құрайтын келісімдер мемлекеттік сатып алу процедуралары сақталмай жасалды. Отырар ауданындағы Шәуілдір ауылында 273,6 млн. теңгеге салынған кәріз желілерін сәйкес лицензиясы болмаған мердігер салды.

Отырар ауданының Ескі Шілік ауылында 2012 жылы пайдалануға берілген бағасы 12,8 млн. теңгені құрайтын су іркуіш торабы қараусыз қалып, суды көршілес жатқан Ақтөбеден алуда. Түркістан қаласындағы 167 кәріз-сорғы стансасынан екеуі ғана пайдаланылуда, 2,1 млрд. теңгені құрайтын 15 станса ішкікварталдық кәріз желілерінің жоқтығынан жұмыс істемей тұр.

2006-2011 жылдары салына бастаған облыстық сумен жабдықтаудың жеті нысаны әлі күнге дейін аяқталмады. Сумен жабдықтау үшін 700 млн. астам теңге бөлінген Созақ ауданындағы Бабаата және Құмкент ауылдарында іздеу жұмыстарын сапасыз өткізу салдарынан бұл ауылдар ауызсумен қамтылмады.

Шымкент, Сайрам, Төлеби және Мақтаарал аудандарының тұрғын үй-коммуналдық шаруашылық бөлімдері 13 жобаны іске асыру кезінде оларға тиісті түзету және жобалық-сметалық құжаттаманың мемлекеттің сараптамасын өткізусіз жалпы сомасы 2,7 млрд. теңгеге өзгерістер енгізілді. Облыстағы мемлекеттік қабылдау комиссиялары құрылысы кезінде жобалық-сметалық құжаттамадан ауытқушылыққа жол берілген сумен жабдықтау және оны бөлу құны 5,8 млрд. теңге болған 15 нысанды пайдалануға беру жағдайлары тіркелген. Бұл ретте мемлекет төлеген авторлық және техникалық қадағалау тиісті түрде іске асырылмады.

Жалпы алғанда, бақылау шаралары жалпы сомасы 18,4 млрд. теңгеден асқан бюджеттік және өзге де заңнама талаптарын бұзушылықты анықтады. Бақылау барысында республикалық бюджетке 200 млн. теңгеден астам қаржы қайтарылды. Тәртіптік жазаға 29 лауазымды тұлға тартылды.

Отырыс қорытындылары бойынша Есеп комитеті Оңтүстік Қазақстан облысының әкіміне жол берілген заң бұзушылықтарды жою, республикалық бюджет қаражатының орнын толтыру (қалпына келтіру), қолданыстағы заңнаманың бұзылуына жол берген лауазымды тұлғаларды жауапкершілікке тарту бойынша шараларды қолдануды, сондай-ақ тағы басқа бірқатар тапсырмалар берді.

Бақылаудың жекелеген материалдары процессуалдық шешімдерді қабылдау үшін құқық қорғау органдарына жіберіледі.

Біздің каналымызға жазылыңыз:

Бөлісіңіз:

Автор:

Зарина Туғанбаева

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT