+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Ержан Максимнің елордадағы жеке концерті аншлагпен өтті

2019 жылғы 28 маусым 22:05
Бөлісіңіз:
Ержан Максимнің елордадағы жеке концерті аншлагпен өтті

НҰР-СҰЛТАН. ҚазАқпарат - Ресейдегі «Голос. Дети» байқауында жарқ етіп жұлдызы жанған өреннің кеші аншлагпен өтті, деп хабарлайды Хабар 24.

Ұйымдастырушылардың айтуынша, 2700 билет толығымен сатылған. 300-дей билет көп балалы аналар мен мүмкіндігі шектеулі азаматтарға тегін таратылды. Жалпы, мерекелік кеш елорданың 21 жылдығына орайластырылған. Концертте Ержан Максим Ұлықпан Жолдасов, Ренат Гайсин, Сәкен Майғазиев сынды Қазақстанның еңбек сіңірген қайраткерлерімен дуэтте ән шырқады.

Әндердің басым бөлігі патриоттық сарында. Әлемдік классика туындылары да болды. Концерттің телевизиялық нұсқасы шілденің 7-сі күні «Хабар» арнасында көрсетіледі деп жоспарланған.

«Елімізде бұрын-соңды дәл 11 жасында үлкен эстрадалық симфониялық оркестрмен жеке шығармашылық концерт беру бірінші рет болып тұр. «Бұлақ көрсең, көзін аш» дейді ғой. Біздің Ержан кішкентай бес жасынан бастап сахнада ән шырқап келе жатыр. Әнші жас талант армандайтындай конкурстардың барлығына қатысты. Оның феномендігі ересек вокалистер орындайтын күрделі классикалық туындыларды шырқауында және соны еш қысылмай, өзінің бүкіл табиғат берген мүмкіндігін көрсетуінде деп мен ойлаймын», - деді Т.Жүргенов атындағы Қазақ ұлттық өнер академиясының ректоры Асхат Маемиров.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT