Ерұлан Жамаубаев ҚР Президентінің көмекшісі қызметінен босатылды

АСТАНА. ҚазАқпарат - Мемлекет басшысының Жарлығымен Ерұлан Кенжебекұлы Жамаубаев басқа жұмысқа ауысуына байланысты Қазақстан Республикасы Президентінің көмекшісі қызметінен босатылды. Бұл туралы бүгін Ақорданың баспасөз қызметі хабарлады.

Сондай-ақ Ақорда басқа жұмысқа ауысуына байланысты Айдос Ыдырысұлы Үкібайдың Қазақстан Республикасы Президентінің Баспасөз хатшысы қызметінен босатылғандығын хабарлады.