+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Ерұлан Жамаубаев Есеп комитетінің ескертпелерін түзету қалай жүріп жатқанын айтты

2021 жылғы 15 маусым 17:42
Бөлісіңіз:
Ерұлан Жамаубаев Есеп комитетінің ескертпелерін түзету қалай жүріп жатқанын айтты

НҰР-СҰЛТАН. ҚазАқпарат – ҚР Қаржы министрі Ерұлан Жамаубаев Республикалық бюджеттің атқарылуын бақылау жөніндегі есеп комитетінің ескертпелерін түзету жұмыстары қалай жүріп жатқанын айтты, деп хабарлайды ҚазАқпарат тілшісі.

«Бірқатар ескертпе Қытай Халық Республикасының кедендік статистикасымен сәйкес келмеушілікке қатысты болды. Бұл орайда бірқатар объективті себеп те бар. Ең алдымен ол - Қазақстанға қарай қытай экспортының барлық уақытта экспорт ретінде рәсімделінуде. Алайда олардың басым бөлігі Қазақстан арқылы транзиттік жүк ретінде өтеді. Яғни, бизнесмендер жүктерін транзит ретінде рәсімдейді. Сол себептен статистикада айтарлықтай айырмашылық болып отыр. Дегенмен, соңғы үш жылда үлкен жұмыс жүргіздік және қазіргі уақытта қытай тарапымен ақпарат алмасу шынайы уақыт режимінде жүргізілуде», - деді министр Орталық коммуникациялар қызметіндегі баспасөз мәслихатында БАҚ өкілдерінің сауалына орай.

Оның атап өтуінше, қазіргі уақытта Қазақстан мен Қытайдың кедендік статистика деректеріндегі айырмашылық 25 пайызға қысқарған.

«Бұл жұмысты жалғастыра береміз. Мұнан бөлек бюджеттік кіріс бөлігінің жоспарына, бюджет шығыстарын оңтайландыру тұрғысында ескертулер болды. Біз бұл ұсыныстардың барлығын ескердік және Үкіметтің мұнан арғы жұмысында қолданамыз», - деді Ерұлан Жамаубаев.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT