+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Ертіс өзенінен 3,4 млн теңгенің бекіре балығын аулаған браконьер ұсталды

2021 жылғы 28 шілде 22:23
Бөлісіңіз:
Ертіс өзенінен 3,4 млн теңгенің бекіре балығын аулаған браконьер ұсталды

ПАВЛОДАР. ҚазАқпарат - Ертіс өзенінен бекіре балығын аулаған браконьер ұсталды, деп хабарлайды ҚазАқпарат Экология, геология және табиғи ресурстар министрлігінің Telegram парақшасына сілтеме жасап.

Ұқсас жаңалықтар
Елордада ауа сапасы нашарлайды Алматыда рұқсат етілмеген екі ірі қоқыс үйіндісі анықталды Алматылықтар Есентай өзенінің қазіргі жай-күйіне алаңдап отыр

Балық шаруашылығы комитетінің Зайсан-Ертіс облысаралық бассейндік балық шаруашылығы инспекциясының қызметкерлері Павлодар облысының Май ауданында Ертіс өзенінің «Белая» ағынында рейд жүргізген.

Оның барысында 27 шілде сағат 22.30-да «Вихрь-25» аспалы моторы бар «Казанка» қайығында тормен заңсыз балық аулаған С. атты азамат ұсталды.

Кемені қараған кезде бекіре тұқымдас балықтар табылды. Оның ішінде салмағы 4 кг 1 сібір бекіресі және жалпы салмағы 8.8 кг 14 дана стерлет бар.

Балық ресурстарына келген залал 3 469 771 теңгені құрады.

Жануарлардың сирек кездесетін және құрып кету қаупі төнген түрлерін аулағандарға ҚР ҚК 339-бабында жауапкершілік көзделген.

Ол үшін үш жылдан жеті жылға дейін бас бостандығынан айыру жазасы бар.

Осыған байланысты оқиға орнына Павлодар облысы Май аудандық полиция бөлімінің жедел-тергеу тобы шақырылып, материалдар қылмыстық іс қозғау үшін берілді.

Аталған факті Балық шаруашылығы комитетінің бақылауында.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT