Ертең Қырғызстанда Жогорку Кенеш депутаттарының сайлауы өтеді

БІШКЕК. ҚазАқпарат – Қырғызстанда тыныштық күні орнады, кандидаттардың сайлауалды үгіттеуі 3 қазан түнінде аяқталған. Бұл туралы ҚазАқпарат Кабар агенттігіне сілтеме жасап хабарлайды.

Бұл күні саяси партиялардың үгіттеу науқанын өткізуге құқығы жоқ.

Сондай-ақ, үгіттеуді Қырғыз Республикасындағы ОСК үгіттеу үшін аккредиттелген бұқаралық ақпарат құралдары мен интернет-басылымдардың да үгіт жүргізуге құқығы жоқ.

Тыныштық күнін бұзу жағдайында ОСК сайлау процесінің қатысушылары бұзушыға қатысты шаралар қолдануға құқылы.

Қырғызстанда Жогорку Кенеш депутаттарын сайлау 2020 жылдың 4 қазанына белгіленген.

Оған барлығы 16 партия қатысып отыр: «Ата-Мекен», «Бир-Бол», «Биримдик», «Замандаш», «Қырғызстан», «Мекенім Қырғызстан», «Мекенім Ынтымағы», «Мекенчил», «Ордо», Ауған соғысындағы ардагерлер мен басқа да жергілікті жауынгерлік ұрыстарға қатысушылар партиясы , «Республика», «Реформа», «Социал-Демократтар», «Чон Казат», «Ыйман Нуру», «Бутун Қырғызстан».

Сайлауға 3 млн 523 мың. 554 сайлаушы тіркелген. Елдің Сыртқы істер министрлігінің желісі бойынша, шетелде 32 мың 602 адам дауыс береді.