Ертең Абай облысында оқушылар мен колледждердің  студенттері қашықтан оқиды

2022 жылғы 28 қараша, 23:17
Ертең Абай облысында оқушылар мен колледждердің  студенттері қашықтан оқиды

СЕМЕЙ. ҚазАқпарат – 29 қарашада Абай облысында мектеп оқушылары мен колледждердің 1,2 курс студенттері онлайн форматта оқиды, деп хабарлайды ҚазАқпарат Абай облысы әкімдігінің Telegram каналына сілтеме жасап.

«Абай облысында 29 қараша күні ауа райының қолайсыздығына байланысты (қатты аяз күтілуде) І ауысымда мектеп оқушыларының 1-11 сыныптары және колледждердің 1,2 курс студенттері үшін сабақ қашықтық форматқа ауыстырылады»,-делінген әкімдік таратқан хабарламада.

Синоптиктер 29 қараша күні Абай облысында 40 градусқа дейін аяз болатынын жазған еді.

Семейде шағынаудан тұрғындары пәтерде жылудың азайғанына шағымданғанын жазған едік.

Теги:
Серіктестер жаңалықтары

Jańalyqtar