Валюта бағамдары:
    usd/kzt 460.51 eur/kzt 498.69

    rub/kzt 6.53 cny/kzt 68.18
Ауа райы:
Астана-12-14℃
  Jańalyqtar  >

Ернар Баспаев Президент Әкімшілігі Басшысының орынбасары болды

2022 жылғы 9 желтоқсан, 08:58

АСТАНА. ҚазАқпарат - Мемлекет басшысы Қасым-Жомарт Тоқаевтың Жарлығымен Ернар Жеңісұлы Баспаев ҚР Президенті Әкімшілігі Басшысының орынбасары болып тағайындалды, деп хабарлайды ҚазАқпарат Ақордаға сілтеме жасап.

Е.Баспаев Қазақстан Республикасы Президентінің көмекшісі – ҚР Президенті Әкімшілігінің Өтініштерді қарауды бақылау бөлімінің меңгерушісі лауазымынан босатылды.

Еске салайық, Президент Әкімшілігі Басшысының орынбасары болған Мәлік Мырзалин бүгін лауазымынан босатылып, Қазақстанның Грузиядағы Елшісі қызметіне тағайындалды.

Ернар Баспаев1979 жылы туған. Қазақ мемлекеттік заң академиясын, Х.Досмұхамедов атындағы Атырау мемлекеттік университетін, Ресей халық шаруашылығы және мемлекеттік қызмет академиясын бітірген. Мамандығы бойынша заңгер, экономика және бизнес бакалавры, іскерлік әкімшілендіру магистрі.

Еңбек жолын 2001 жылы Қазақстан Республикасы Әділет министрлігінде Авторлық құқықтар жөніндегі комитеттің жетекші маманы болып бастаған.

2002-2006 жылдары Әділет министрлігінің Тіркеу қызметі комитетінің халықты тіркеу жұмыстарын ұйымдастыру басқармасының бас маманы, басқарма бастығының орынбасары;

2006-2010 жылдары Жоғарғы Сот жанындағы Сот әкімшілігі комитетінің басқарма бастығы, Жоғарғы Сот аппаратының сектор меңгерушісі, бөлім меңгерушісінің орынбасары;

2010 жылы Атырау облысы бойынша Әділет департаментінің жетекшісі;

2013-2019 жылдары Атырау облысы әкімі аппаратының басшысы;

2019-2022 жылдары Қазақстан Республикасы Президенті Әкімшілігінің мемлекеттік инспекторы;

2022 жылғы 13 сәуір – 2022 жылғы 9 желтоқсан Қазақстан Республикасы Президентінің көмекшісі – Өтініштерді қарауды бақылау бөлімінің меңгерушісі.

2022 жылғы 9 желтоқсанда Қазақстан Республикасы Президентінің Әкімшілігі Басшысының орынбасары болып тағайындалды.

Фото: akorda.kz


Автор:

Гүлмира Алякпарова

Новости по теме
Ұқсас жаңалықтар
Серіктестер жаңалықтары