Ермек Маржықпаевқа Көкшетауда спорт нысандарын салу жобасы таныстырылды

КӨКШЕТАУ. ҚазАқпарат - Ақмола облысының әкімі Ермек Маржықпаев спорттық нысандарды жобалап, салумен айналысатын «ВВP Company» компаниясының өкілдерімен кездесті, деп хабарлайды ҚазАқпарат тілшісі әкімдіктің баспасөз қызметіне сілтеме жасап.

Ұқсас жаңалықтар

«Құлагер» хоккей клубының бас жаттықтырушысы отставкаға кетті

Головкин мен Роналду Италияда бір жоба аясында жұмыс істеуде Қарағандыда қандастар арасында баскетболдан халықаралық турнир өтті Қазақстан УЕФА рейтингінде бір сатыға көтерілді

Ведомствоның мәліметінше, компания өкілі Жақсылық Өтегенов аймақ басшысына облыс орталығында салынатын спорттық нысандардың жобасын таныстырды.

Оның бірі - аумағы 5-8 гектарды құрайтын көпбейінді спорт кешенін мемлекеттік- жекешелік әріптестік аясында салу қарастырылып отыр. Жобаны 2-3 жыл ішінде жүзеге асыру жоспарланған.

Екінші жоба стандартты стадион. Онда жыл бойына жаттығу өткізуге болады. Нысанды инвесторлар көктемде бастауға дайын.

Ермек Маржықпаев Көкшетау қаласының әкімі Амангелды Смайылов пен облыстық дене шынықтыру және спорт басқармасының басшысы Әсет Бүкібаевқа ұсынысты зерттеп, жер телімін қарастыруды тапсырды.

«Жобаның әлеуметтік маңызы зор. Біздің қаламызда футбол алаңдары жетіспейді. Тіпті , кейбір адамдар футзалда түнге дейін дайындалады. Сондықтан, бұл мәселені алдағы уақытта шешу қажет. Шағын спорт нысанынан бастайтын боламыз», – деп атап өтті аймақ басшысы.