+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Ерлан Тұрғымбаев: Мектептердегі қауіпсіздік жүйесіне қатысты кемшіліктер жыл соңына дейін жойылады

2021 жылғы 21 маусым 14:36
Бөлісіңіз:
Ерлан Тұрғымбаев: Мектептердегі қауіпсіздік жүйесіне қатысты кемшіліктер жыл соңына дейін жойылады

НҰР-СҰЛТАН. ҚазАқпарат – Еліміздің білім беру ұйымдарындағы қауіпсіздік жүйесіне қатысты кемшіліктер жыл соңына дейін жойылады. Бұл туралы бүгін ҚР Парламенті палаталарының бірлескен отырысында Ішкі істер министрі Ерлан Тұрғымбаев айтты, деп хабарлайды ҚазАқпарат тілшісі.

Ұқсас жаңалықтар
Елорда мектептерінің барлық қызметкерінің жалақысын көтеру керек - кәсіподақ Үйге түтін және улы газ датчигін орнату міндеттеле ме – ТЖМ жауап берді Ақтөбеде халықаралық олимпиада жеңімпазы марапатталды

«Балалардың қауіпсіздігі - өте өзекті мәселе. ІІМ бірқатар іс-шара қабылдады. Біріншіден, заңға өзгерту енгізілді. Балаларға қатысты зорлау, сексуалды қылмыстар үшін жауапкершілік пен жаза күшейтілді. Жаза мерзімі ұзартылды, енді бұл бап бойынша татуласу мүмкін емес және мерзімінен бұрын босатылмайды. Екіншісі – алдын алу мәселелері. Қазір кәмелетке толмағандардың ісі бойынша инспекторлардың саны 448-ге дейін арттырылды. Енді әр қалада, әр аумақта, әр ауданда осындай инспектор болады. Олар жергілікті атқарушы органдармен бірге алдын алу іс-шараларды жүзеге асырады», - деді министр отырыс барысында депутаттардың сауалына орай.

Оның атап өтуінше, Татарстанның Қазан қаласында орын алған оқиғаға байланысты Мемлекет басшысының тапсырмасы бар.

«Мектептердегі қауіпсіздік іс-шаралары бойынша мемлекеттік органдармен бірге жұмыс істеп жатырмыз. Ең алдымен білім беру органдарымен бірге 7 500 мектепті тексердік, 100 пайызында бейнебақылау камерасы бар. Бірақ, 45 пайызы ғана техникалық стандартқа сай келеді. Басқа да кемшіліктер бар. Мектептердің 30 пайызында дабыл жүйесі жоқ, турникеттер мен темір іздейтін құрылғылар 5 пайызында ғана бар, 6 пайызында ғана күзет ұйымдары жұмыс істейді. Бүгінгі таңда Ішкі істер министрлігі Білім және ғылым министрлігімен, жергілікті атқарушы органдармен бірге жұмыс істеп жатыр. Қаржы бөлінеді. Жыл соңына дейін осы кемшіліктерді жоямыз деп ойлаймын», - деді Ерлан Тұрғымбаев.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT