+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Ерлан Саиров бейбіт жиындарды ұйымдастыру туралы заңға қатысты бірлескен комиссия құруды ұсынды

2020 жылғы 18 ақпан 17:00
Бөлісіңіз:
Ерлан Саиров бейбіт жиындарды ұйымдастыру туралы заңға қатысты бірлескен комиссия құруды ұсынды

НҰР-СҰЛТАН. ҚазАқпарат - Саясаттанушы Ерлан Саиров «ҚР-да бейбіт жиындарды ұйымдастыру және өткізу тәртібі» туралы заң жобасына пікірін білдірді, деп хабарлайды ҚазАқпарат тілшісі.

«Жалпы, министрліктің ұсыныстарының барлығы дұрыс. Бұл заң керек. Дегенмен, бұл заң Қазақстан азаматтарын бей-жай қалдырып отырған жоқ. 2-3 топ пайда болды. Міне, осы 2-3 топтың арасында антоганизм болмауы қажет. Процестің барлығы бейбіт, келісім, консенус аясында болуы тиіс», - деді саясаттанушы.

Оның пайымынша, заң жобасының тұжырымдамасына қатысты тараптардың ұстанымдарын бір арнаға ойыстыру өте маңызды.

«Еліміздің азаматтары ретінде ұстанымдарымызды жақындастыруымыз қажет. Менің ойымша, қазір заңның әрбір бабын талқылағаннан гөрі осы құжатқа қатысты ұстанымы бар азаматтарды шақырып, бірлескен комиссия құрғанымыз жөн сияқты. Өйткені, біздің әрбір іс-шарамыз, қадамымыз ең алдымен ұлттық ықпалдастыққа, ұлттық бірлікке алып келуі тиіс. Бір топ өкілдерінің ой-пікірін елемейтін болсақ, онда елімізде қоғам арасындағы сына пайда болады. Оның еш қажеті жоқ», - деді Ерлан Саиров.

Еске сала кетсек, ҚР Ақпарат және қоғамдық даму вице-министрі Данияр Есин Әділет министрлігінде өткен ведомствоаралық комиссия отырысында «Қазақстан Республикасында бейбіт жиындарды ұйымдастыру және өткізу тәртібі» туралы заң жобасының тұжырымын таныстырған болатын.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059

MURAǴAT