Ерлан Нұрғалиевтің туыстары браконьерлерден 20 млн теңге моральдық шығын талап етті

ҚАРАҒАНДЫ. ҚазАқпарат – Бүгін Қарағанды облысының қылмыстық істер бойынша мамандандырылған ауданаралық сотында қорықшы Ерлан Нұрғалиевтің өліміне қатысты сот ісі бойынша жарыссөз өтті, деп хабарлайды ҚазАқпарат тілшісі.

Мемлекеттік айыптаушы Қуаныш Жексенбаев айыпталушылар Берік Ахметов, Нұрлан Шүкілдіков және Қайрат Ақшановты өмір бойына бас бостандығынан айырып, жазасын ерекше қауіпсіздік колониясында өтеуін сұрады. Сондай-ақ, прокурор соттан әр айыпталушыдан 30 АЕК-ке дейін өндіріп алу және оларға бес жыл бойы аң аулауға тыйым салуды сұрады.