+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Ерлан Қарин президенттік саяси реформалар пакетін жүзеге асыру бойынша заң жобаларына пікір білдірді

2021 жылғы 5 мамыр 13:31
Бөлісіңіз:
Ерлан Қарин президенттік саяси реформалар пакетін жүзеге асыру бойынша заң жобаларына пікір білдірді

НҰР-СҰЛТАН. ҚазАқпарат - Мәжілістің пленарлық отырысында президенттік саяси реформалар пакеттерін жүзеге асыру бойынша негізгі заң жобалары қаралды. Бұл туралы ҚР Президентінің кеңесшісі Ерлан Қарин Facebook-тегі парақшасында хабарлады.

«Атап айтқанда, Мәжіліс депутаттары «Қазақстан Республикасындағы сайлау туралы» Қазақстан Республикасының Конституциялық заңына өзгерістер мен толықтырулар енгізу туралы» Конституциялық заң жобасын және «Қазақстан Республикасының кейбір заңнамалық актілеріне сайлау мәселелері бойынша өзгерістер мен толықтырулар енгізу туралы» ілеспе заң жобасын бірінші оқылымда қабылдаған болатын» деп жазды Ерлан Қарин.

ҚР Президентінің кеңесшісі бұдан бөлек, 13 сәуірде, Мәжілістің Заңнама және сот-құқықтық реформа комитетінде аталған заң жобаларының таныстырылымы өткенін айтты. Одан кейін бұл құжаттар бойынша жұмыс тобының 12 отырысы өткізілді. Заң жобаларын талқылауға Ұлттық қоғамдық сенім кеңесінің мүшелері Марат Шибутов, Rakhim Oshakbayev, Андрей Чеботарёв, Marat Bashimov, Эльдар Жумагазиев және басқа азаматтар қатысқан.

«Осы айтылған құжаттар ауыл әкімдерін тікелей сайлау, саяси партиялардың Мәжіліске өтуі үшін белгіленген шекті бағамды 7-ден 5 пайызға дейін төмендету және барлық деңгейдегі сайлау бюллетеньдеріне «баршаға қарсы» бағанын қосу мәселесіне қатысты қолданыстағы заңнамаға өзгерістер енгізуді көздейді. Осыған орай «Қазақстан Республикасындағы сайлау туралы» Қазақстан Республикасының Конституциялық заңына өзгерістер мен толықтырулар енгізу туралы» Конституциялық заң жобасына сәйкес ауыл әкімдерінің сайлауын тағайындау және өткізу, кандидаттарды ұсыну және тіркеу, кандидаттарға қойылатын талаптар және басқа да мәселелер бойынша қолданыстағы заңнамаға түзетулер енгізу жоспарланып отыр.

Ал, «Қазақстан Республикасының кейбір заңнамалық актілеріне сайлау мәселелері бойынша өзерістер мен толықтырулар енгізу туралы» заң жобасында «Қазақстан Республикасындағы жергілікті мемлекеттік басқару және өзін-өзі басқару туралы», «Қазақстан Республикасының мемлекеттік қызметі туралы», «Саяси партиялар туралы» заңдарға жаңа нормалар енгізу көзделген» деп жазды Ерлан Қарин.

Оның айтуынша, осы өзгерістер мен толықтырулар қолданыстағы заңнамаға енгізілгеннен кейін ауыл әкімдерін тікелей сайлаудың жалпыға ортақ тәртібі белгіленеді. Жалпы, 4 жыл ішінде 2 345 әкімді, соның ішінде 2021 жылы 836 әкімді сайлау жоспарланып отыр. Бұл нормалардың қабылдануы саяси бәсекені дамытуға және азаматтардың саяси белсенділігін арттыруға септігін тигізеді.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT