13:16, 28 Қыркүйек 2015 | GMT +6
Ерейментау ауданында денсаулық фестиваліне 600 адам қатысты (ФОТО)
КӨКШЕТАУ. ҚазАқпарат - Ерейментау ауданында 600 адамның қатысуымен денсаулық фестивалі өтті. Бұл туралы аудан әкімінің баспасөз қызметінен хабарлады.
Аудан орталығында өткен «Саламатты Қазақстан» мемлекеттік бағдарламасындағы 2011-15 жылдарға арналған шаралар жоспарын іске асыруға бағытталған бұл жолғы «Денсаулық фестивалі - 2015» акциясына қаладағы кәсіпорындар мен ұйымдардың өкілдері, студенттер мен мектеп оқушыларынан құралған 600-ге жуық адам қатысты. Шара таңғы жаттығудан басталып, одан әрі президенттік көпсайысқа ұласты. «Біз - салауатты өмір салтын ұстанамыз» ұранымен өткен акцияға аудан әкімі Ермек Нұғыманов қатысып, құттықтау сөз сөйледі. Аудан басшысы өз сөзінде денсаулық фестивалінің өткізілуі мен салауатты өмір салтын ұстанудың маңыздылығын атап өтті.